पद‌पोखरीकी ३१ वर्षीया विनिता बि.क. संगालो स्वनिर्भर समुह की सक्रिय सदस्य हुन् । श्रीमान् अन्यत्र काम गर्ने र आफू आफ्नो घरमा साना बच्चाहरूसँग बस्दै आएकी विनिता अहिले आफ्नै मेहनतबाट जीविकोपार्जनमा उदाहरणीय बनिन् । संस्थाको सहयोगमा संचालन भएको समुह सिकाइ र सहायतापछि उनले आफु सदस्य रहेकी स्वनिर्भर समुहबाट रु.३०,०००।- रुपैयाँ ऋण लिएर १५ वटा कुखुराबाट व्यवसाय सुरु गरिन् । छोटो समयमै लगानी फिर्ता गरी रु.२५,०००।- नाफा कमाउँदै आत्मविश्वास बढाएकी विनिता पछि रु.८०,०००। ऋण लिएर आफ्नो कुखुरा पालन व्यवसाय विस्तार गरिन् । हाल उनले १०० वटा लोटन जातका कुखुरा पाल्न थालेकी छन् । केही कुखुरा बिरामी भएर मरे पनि बाँकी कुखुरा राम्रोसँग हुर्किरहेका छन्, जसले उनलाई अझ ठूलो उद्यमी बन्ने प्रेरणा दिएको छ ।
सस्तो ब्याजमा ऋण, समूहको हौसला, र आफ्नो मेहनतले विनिता आज आत्मनिर्भर बन्न सफल भएकी छन् । उनको सपना अब पूर्ण रूपमा कुखुरा व्यवसायी बन्ने हो ।